正在播放
同岑珈其新戲演最萌身高差 余香凝自爆愛老公怕醜仔性格

同岑珈其新戲演最萌身高差 余香凝自爆愛老公怕醜仔性格

2022-08-05

余香凝(Jennifer)和岑珈其繼電影《非同凡響》、劇集《地產仔》後,第三度在電影《緣路山旮旯》中合作,戲中兩人演繹最萌身高差的情侶。現實中兩人都未試過這種身高差戀情,但Jennifer又自爆愛男主角這類怕醜男,因老公正是這類男人。他們又話合作3次未夠喉,好想有下次,仲講笑話最好做埋親家。採訪杜 攝影:沈健程 髮型:@nickienickhair@orient4(珈其)Ken Hui @Artify lab 化妝:Carmen Chung@carmencmakeup_cc(珈其)Lavinia Tang  裝:STORY MFG from HBX@storymfg @hbxhk(珈其)MAX&Co 場地:HYC BarLounge

身高174cm的Jennifer,以往揀對象不介意對方高度,性格最重要。
身高174cm的Jennifer,以往揀對象不介意對方高度,性格最重要。

 

珈其坦承也曾為身高自卑,所以身材高的女仔,根本不敢追。
珈其坦承也曾為身高自卑,所以身材高的女仔,根本不敢追。

2018Jennifer跟珈其合作完《非同凡響》後,成為無所不談的交心朋友,一直好想搵機會再合作,在《地產仔》對手戲不多,他們曾想過主動出擊,「我哋成日講如果可以做愛情戲就好,甚至乎諗過自己度個故事出嚟sell畀人,等人哋拍我哋。」今次終於有機會合作,仲要有感情戲,兩人都好開心。

懷住身孕拍攝的Jennifer,笑指戲中企在珈其身邊似個巨人。
懷住身孕拍攝的Jennifer,笑指戲中企在珈其身邊似個巨人。
Jennifer陀住B拍咀戲感覺很怪,認為似隔住個人,「cut機我即刻同BB講呢個唔係爸爸嚟。
Jennifer陀住B拍咀戲感覺很怪,認為似隔住個人,「cut機我即刻同BB講呢個唔係爸爸嚟。

有望做埋親家

Jennifer跟珈其高度相差10cm,戲中兩人亦演有身高差情侶,不過現實中兩人未試過跟這類對象拍拖,珈其承認跟角色一樣確有自卑感存在,「最盡都係對方一樣咁高,始終會有少少自卑,出嚟會唔會唔好睇?最大問題係根本唔敢去追高過自己嘅女仔,預人哋一定唔會接受,點會鍾意拖住個小朋友,自己都落咗閘先。」雖然Jennifer未試過同這類外形的男仔拍拖,但戲中男主角「阿厚」性格確實是她喜歡類型,「我係鍾意好似『阿厚』性格嘅人,唔係好講嘢,怕怕醜醜咁,我可以撩開佢,到佢對住我有第二種性格出嚟,令到佢笑我會好開心囉!(你老公係咁性格?)係呀!哈哈!」

Jennifer自爆喜歡老公怕醜仔性格,撬開對方把口好有成功感。
Jennifer自爆喜歡老公怕醜仔性格,撬開對方把口好有成功感。

 

Jennifer和珈其的仔女只差幾個月大,兩個可有伴一齊玩。
Jennifer和珈其的仔女只差幾個月大,兩個可有伴一齊玩。

兩人老友鬼鬼又同期升呢做父母,見面多了傾湊BB經,珈其笑言:「最好笑佢個B明明細過我個B,但係身形都係大過佢,身高真係有遺傳,哈哈!」兩人最開心小朋友可以從小作伴,同父母一樣成為好朋友。若然做埋親家又點睇呢?珈其搞鬼話:「我就梗係想啦!佢哋基因好,夠高嘛!」

兩人一見面就會雞啄唔斷,仲會笑過不停。
兩人一見面就會雞啄唔斷,仲會笑過不停。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

Tags:
最新回應