正在播放
直擊韓馬利鬧爆林夏薇生仔冇屎忽 周嘉洛被幕後整到拒絕對方道歉

直擊韓馬利鬧爆林夏薇生仔冇屎忽 周嘉洛被幕後整到拒絕對方道歉

2022-11-22

TVB日前舉行下年節目巡禮,晒冷式節目介紹梗有一套啱你心水,當中最厲害27歲力捧小生周嘉洛,一人孭三套劇,計比例多過好多視帝,雖然極速上位中,但周小生無話招招積積,依舊同工作人員打成一片。日前,周小生同林夏薇喺西貢為《寵愛Pet Pet》拍外景,見佢玩鬼工作人員,唔使埋位就坐石壆髀擘擘,好似隔離屋啲哥哥咁,咁鬼親民,抵佢有運行嘅。採訪:金泰亨

介紹劇中角色,男女主角及小販韓馬利。
介紹劇中角色,男女主角及小販韓馬利。
周嘉洛在《痞子殿下》首任主角,《痞子殿下2》成為下年重頭劇。
周嘉洛在《痞子殿下》首任主角,《痞子殿下2》成為下年重頭劇。
周嘉洛在劇中飾演寵物傳心師汪聲仁,林夏薇飾演獸醫。
周嘉洛在劇中飾演寵物傳心師汪聲仁,林夏薇飾演獸醫。
周嘉洛與游嘉欣都是TVB力捧的對象。
周嘉洛與游嘉欣都是TVB力捧的對象。
周嘉洛及游嘉欣出席劇集《羅密歐與祝英台》拜神儀式。
周嘉洛及游嘉欣出席劇集《羅密歐與祝英台》拜神儀式。

周嘉洛下年被TVB委以重任,孭飛劇集計有《寵愛Pet Pet》、《羅密歐與祝英台》及《痞子殿下2》,因為形象健康又入屋,有指佢係馬國明接班人,咁佢精靈過馬明嘅,希望佢唔會好似馬生咁要等咁多年先拎視帝啦。

韓馬利鬧到成條街都聽到
講返探班,當日星期日,陽光普照仲幾熱添,周嘉洛、林夏薇、韓馬利及楊證華在舊墟附近拍外景,劇情講述小販韓馬利疑似呃錢,周嘉洛同林夏薇去理論,但換來喝罵,「你兩個蝦一個,生仔冇屎忽㗎。」男方疑似想息事寧人被林夏薇叫停,稱唔可以助長騙徒,韓馬利即刻爆Seed,「你夠膽講多次?」記者都嚇一嚇,然後楊證樺現身做正義嘅事,指證對方呃人又阻街,仲話報警添。

韓馬利好惡咁兇周嘉樂同林夏薇。
韓馬利好惡咁兇周嘉樂同林夏薇。
楊證樺現身加入指證小販呃人。  ​
楊證樺現身加入指證小販呃人。 ​
當日街坊話楊證樺好熟口面。
當日街坊話楊證樺好熟口面。
等ROLL機時林夏薇玩公仔。
等ROLL機時林夏薇玩公仔。

因為演員表現好,兩take收貨,然後再等拍另一場口。等候期間,周嘉洛同林夏薇都幾好傾,又互相推吓,仲幫手執好地攤啲公仔。有工作人員掉沙包落地,因為掉正周嘉洛身邊所以講咗句Sorry,換嚟周嘉洛講笑式無情應對,「傻啦,你乜都冇做到已經講Sorry喇,我嬲你㗎。」之後仲好隨意咁坐喺石壆等埋位,性格相當OK喎。

等埋位時,周嘉洛幫手放好啲公仔,林夏薇就好熱,企多陣已行埋一邊。
等埋位時,周嘉洛幫手放好啲公仔,林夏薇就好熱,企多陣已行埋一邊。
工作人員同嘉洛Say Sorry,後者回對方「傻啦」。
工作人員同嘉洛Say Sorry,後者回對方「傻啦」。
未埋位,周嘉洛就搵位坐。
未埋位,周嘉洛就搵位坐。
周嘉洛見攰坐上石壆唞唞。
周嘉洛見攰坐上石壆唞唞。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ  
 

最新回應