正在播放
平反「廢柴老公」 自資70萬出歌開騷 張繼聰拒邀老婆上台︰佢都冇請過我做嘉賓啦

平反「廢柴老公」 自資70萬出歌開騷 張繼聰拒邀老婆上台︰佢都冇請過我做嘉賓啦

2022-08-16

等咗7年,42歲嘅張繼聰宣佈將於10月15日,在麥花臣場館開《Welcome to Route 37》演唱會,仲會陸續自資出新歌配合「回歸」音樂之旅!阿聰形容自己係中年人,夾喺MIRROR及張敬軒中間。回想當年被雜誌大字標題寫係「廢柴老公」,阿聰坦言心靈受創,幸得長輩開解,令他置諸死地而後生,因此也特別關顧年青一輩,尤其MIRROR:「今次嘅嘢冇人經歷過,想像唔到佢哋嘅傷害有幾大!」採訪:方騫平 攝影:羅安強

因為經歷過高低潮,張繼聰目前會做自己想做嘅嘢,總之對得住自己就得。
因為經歷過高低潮,張繼聰目前會做自己想做嘅嘢,總之對得住自己就得。
兩公婆多年嚟都sweet到爆。
兩公婆多年嚟都sweet到爆。
阿聰7年前曾經喺九展舉行處男演唱會。
阿聰7年前曾經喺九展舉行處男演唱會。

張繼聰再戰樂壇有段故,原來他本打算專心做演員,一早已收埋所有結他,直至兩年前爆發疫情,因為留家抗疫好無聊,加上當時正值40歲,令他突然叮一聲有唔同嘅睇法,「我哋呢個年齡層嘅經歷,年輕人未必會明白,但又冇乜歌表達到中年人嘅情感,所以我自資做歌,單係製作7首新歌連MV,就算慳住使最平夾埋要70萬,既然能力負擔到,當係送畀自己及知音人嘅禮物,最多唔買電單車。」

張繼聰再唔介意啲人點睇佢,因為欣賞你嘅人就會支持你。
張繼聰再唔介意啲人點睇佢,因為欣賞你嘅人就會支持你。
阿聰曾收埋家中結他唔再唱歌,希望專心演戲。
阿聰曾收埋家中結他唔再唱歌,希望專心演戲。
張繼聰寧願唔買電單車都投資來唱歌。
張繼聰寧願唔買電單車都投資來唱歌。
阿聰視拍戲為本業,然後努力賺錢做歌。
阿聰視拍戲為本業,然後努力賺錢做歌。

出歌冇諗過攞獎

由於本業係演戲,唱歌對阿聰來說冇壓力,更加冇諗過要攞獎,講到明用嚟自High:「中年人都鍾意聽歌,做Show又好好玩。」他又直言老婆謝安琪(阿Kay)都好支持他玩音樂:「老公都唔支持,佢支持邊個呀?每個人都有興趣,所以你哋要買飛入場嚟支持我呀!」不過,阿聰強調唔會同阿Kay喺演唱會上合體:「我哋都抗拒,冇乜好睇啫,佢開咗咁多次演唱會都冇請過我做嘉賓啦!其實我成十年冇開show,我先至係自己演唱會嘅嘉賓,反而想佢喺後台打點,同埋喺台下專心欣賞,返到屋企畀個『賽後報告』我。」

謝安琪好支持老公。
謝安琪好支持老公。
張繼聰和謝安琪育有15歲大仔張瞻及5歲孻女張靖。
張繼聰和謝安琪育有15歲大仔張瞻及5歲孻女張靖。
阿聰推出了新歌《一個人的武林》。
阿聰推出了新歌《一個人的武林》。
張繼聰帶笑投訴老婆,開咗咁多次演唱會都冇請過他做嘉賓啦!
張繼聰帶笑投訴老婆,開咗咁多次演唱會都冇請過他做嘉賓啦!

置諸死地而後生

07年,張繼聰跟謝安琪奉子成婚備受批評,之後又被雜誌以「廢柴老公」作稱呼並用作封面。「人生要經歷呢啲,唔死先會去到另一個階段,唔肯認係廢,只好畀心機做好啲。不過嗰段日子成個家庭都受傷害,邊個父母想個仔咁畀人話?但冇嗰段經歷,唔會有之後嘅感受,之後做演員會易啲明白,更加學會Care人哋感受,唔會亂開玩笑令人受傷。」問到今時今日,係咪可以好自豪地平反「廢柴老公」之名?他答得淡然:「?家點講都冇所謂啦!鍾意嘅人就會鍾意你,我睇返自己20幾歲結婚生仔算好勁,默默耕耘寫歌,雖然係窮啲,但養得起老婆有乜問題?」因此,阿聰特別疼錫年青人:「佢哋可以隨時搵我傾偈,就算工作,心理都要快樂。」

2007年,26歲嘅阿聰奉子成婚,當年還未有事業基礎。
2007年,26歲嘅阿聰奉子成婚,當年還未有事業基礎。
張繼聰和謝安琪年輕時就算捱窮,都窮得開心。
張繼聰和謝安琪年輕時就算捱窮,都窮得開心。
阿聰演技得到認同,兩公婆?家生活得到改善。
阿聰演技得到認同,兩公婆?家生活得到改善。
老婆謝安琪做model,力撐阿聰創立嘅時裝品牌tee。
老婆謝安琪做model,力撐阿聰創立嘅時裝品牌tee。

對於MIRROR演唱會事故,阿聰好擔心佢哋有創傷後遺症:「佢哋梗係可以搵我(傾偈),想像唔到佢哋嘅傷害有幾大!件事真係好慘,唉!唔識講呀!因為冇人經歷過,不過佢哋好叻好乖,希望畀啲時間佢哋好好照顧自己,尤其唔好忽略自己嘅情緒。」

對於MIRROR演唱會嚴重事故,張繼聰認為必須要關注佢哋嘅情緒問題。
對於MIRROR演唱會嚴重事故,張繼聰認為必須要關注佢哋嘅情緒問題。
合作拍ViuTV劇《季前賽》時,姜濤挑戰阿聰打籃球。
合作拍ViuTV劇《季前賽》時,姜濤挑戰阿聰打籃球。

 

張繼聰同老婆仔女有睇MIRROR頭場。
張繼聰同老婆仔女有睇MIRROR頭場。
阿聰5歲細女張靖,喺幼稚園畢業典禮上大跳MIRROR成員盧瀚霆的《Megahit》。
阿聰5歲細女張靖,喺幼稚園畢業典禮上大跳MIRROR成員盧瀚霆的《Megahit》。

立即下載 | 全新《星島頭條》APP : https://bit.ly/3yLrgYZ 

Tags:
最新回應