正在播放
馮允謙演唱會|曾質疑自己啲歌唔夠好 感激低潮期獲AGA鼓勵

馮允謙演唱會|曾質疑自己啲歌唔夠好 感激低潮期獲AGA鼓勵

2022-07-04

馮允謙(Jay)昨晚(3日)在九展舉行第二場演唱會,龔慈恩囡囡林愷鈴(Ashley)、「寰亞孻女」黃淑蔓(Feanna)、「軟骨BEN」趙祥誠等捧場。昨晚Jay邀請江海迦(AGA)擔任表演嘉賓,介紹她出場時,Jay說:「彈琴非常之好聽,佢寫每一首歌、每一個作品,我都會畀錢去買嚟聽,因為佢好值得欣賞,去年我哋仲喺一個音樂活動合作過。」然後Jay親自落台迎接AGA,手拖手合唱AGA的人氣作品《3AM》,全場歡呼並大合唱。

 

Jay昨晚在九展舉行第二場演唱會。
Jay昨晚在九展舉行第二場演唱會。

 

之後,Jay對AGA說:「我哋曾經一齊去上海參加馬拉松,當時係我事業低潮期,寫咗好多歌,喺嗰程飛機我畀咗AGA聽,其中一首係『Sorry for the last time』(《一步一悔過》歌詞),當時只有我另一半聽過,AGA係第二個人聽呢首歌。」AGA受寵若驚,說:「噢,我好開心!最記得嗰次去跑馬拉松,起跑前Jay話自己無練習,點知一起步就快到唔見咗。」觀眾爆笑,她續說:「嗰程飛機本來好攰但無瞓覺,因為Jay畀咗好多歌我聽。印象最深刻係佢問我:『係咪我啲歌唔夠好?』但我覺得啲歌好好聽,雖然係當時唯一嘅聽眾,但覺得將來會變更強大。」

 

Jay感激AGA當年的鼓勵,他說:「當時以為無人要呢首歌,但你話鍾意,畀咗好多鼓勵我,所以我同自己講,有朝一日我一定要將呢首歌派台。」結果《一步一悔過》成為2020年度流行榜冠軍歌。之後Jay退場,AGA獨唱《Superman》,全場氣氛高漲。

 

Jay感激AGA 喺佢低潮時鼓勵。
Jay感激AGA 喺佢低潮時鼓勵。

 

Jay曾懷疑自己嘅歌唔夠好。
Jay曾懷疑自己嘅歌唔夠好。

 

Jay多謝媽咪專登喺加拿大飛返嚟支持佢開騷。
Jay多謝媽咪專登喺加拿大飛返嚟支持佢開騷。

 

昨晚Jay媽咪和親友台下捧場,Jay說:「多謝媽咪專登喺加拿大飛返嚟,佢要隔離七日,就係為咗支持我,非常感激佢喺我低潮時,一句都無叫我放棄,無論我點都支持我,Love You Mom。」媽咪以心心手勢回應。然後Jay爆料,笑指爸爸前晚完騷後嗌攰,昨晚留在家休息煲劇。至於兩位親兄弟,Jay說:「哥哥喺加拿大讀書考試嚟唔到,但細佬就去咗旅行,拍拖都唔嚟呀!」他扮嬲,突然在觀眾席發現孖生細佬Tim的肖像紙牌,原來Fans特別製作?Jay開心,Jay笑說:「我今次唔嬲佢,但如果將來我有機會去更大嘅舞台,佢唔嚟我實鍊死佢!」台下觀眾起哄大叫「紅館」。之後Jay唱出為紀念已故祖母而寫的新歌《給缺席的人唱首歌》,完騷後Fans大叫Encore不散場,Jay換了T恤與樂隊再次出場唱《我好想你》後,第二場演唱會圓滿結束。

 

林愷鈴(右)都有嚟睇騷。
林愷鈴(右)都有嚟睇騷。

 

有粉絲整咗Jay孖生細佬Tim嘅肖像紙牌,令Jay下咗啖氣。
有粉絲整咗Jay孖生細佬Tim嘅肖像紙牌,令Jay下咗啖氣。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

Tags:
最新回應