正在播放
靚女做唔到轉攻性格演員 尹詩沛想做田蕊妮2.0

靚女做唔到轉攻性格演員 尹詩沛想做田蕊妮2.0

2022-07-04

尹詩沛(Nicole)於剛播畢的TVB劇《十八年後的終極告白2.0》中非常搶戲,獲網民力捧做「女一」。Nicole唔敢諗太多,認為循序漸進最好,更慶幸新劇《童時愛上你》中演繹由頭帶到尾嘅角色,覺得演員路又行前一大步,她希望向性格演員目標邁進,有朝一日可以成為另一個田蕊妮及苑瓊丹。採訪:方騫平 攝影:梁比利 髮型:Kevin@Giho 服裝:BE/NOTABLE

尹詩沛獲網民讚有演技,可演唔同角色。
尹詩沛獲網民讚有演技,可演唔同角色。
尹詩沛希望向性格演員目標邁進。
尹詩沛希望向性格演員目標邁進。

尹詩沛入行已12年,於新劇《童時》中終於有個固定角色,劇中演無知嘅千金小姐。以往她演過嘅角色都好爆,除咗喺《十八年後2.0》做靈媒及假扮大肚婆;《金宵大廈》中演同性戀舞女「芳芳」;仲有《一笑渡凡間》「冬瓜嬌」等。提到演藝生涯,Nicole最印象深刻係演《十八年後的終極告白》嘅「豬肉婆」。

新劇《童時愛上你》中,同袁文傑演兩公婆。
新劇《童時愛上你》中,同袁文傑演兩公婆。
《金宵大廈》中演她同性戀舞女「芳芳」,跟阮兒「莎莎」咀嘴。
《金宵大廈》中演她同性戀舞女「芳芳」,跟阮兒「莎莎」咀嘴。
《一笑渡凡間》演「冬瓜嬌」等。
《一笑渡凡間》演「冬瓜嬌」等。

最難演豬肉婆

Nicole坦言豬肉婆好難演,「因為未知能否揣摩到角色,當時有好深感受,每拍一場戲都要Keep住低落情緒,拍完之後有一段日子好唔開心。」至於拍攝《十八年後2.0》,Nicole都做咗好多功課,「為扮假大肚婆增肥10磅,又參考謝雪心及羅蘭姐問米表情,其實做演員最開心可以做啲平時做唔到嘅嘢,有機會體驗人生。」

尹詩沛在《十八年後2.0》增肥10磅演假大肚婆。
尹詩沛在《十八年後2.0》增肥10磅演假大肚婆。
《十八年後》演有經歷嘅豬肉婆,挑戰最大。
《十八年後》演有經歷嘅豬肉婆,挑戰最大。

另外,Nicole又唔介意做配角,覺得更加能帶動劇情,問到目標係咪想成為已升做女一的陳自瑤?她說:「陳自瑤做乜都叻,但我冇得做靚女,反而想好似阿田及苑仔做性格演員。」對於觀眾給予大量鼓勵,她形容感覺實在,自信心都返晒嚟,父母亦為她高興。

田蕊妮係尹詩沛偶像。
田蕊妮係尹詩沛偶像。
尹詩沛係《今晚睇李》「Palwerful Band」的其中一個性感和音。
尹詩沛係《今晚睇李》「Palwerful Band」的其中一個性感和音。

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

Tags:
最新回應