正在播放
Jay演唱會|馮允謙颱風下開演唱會 首場嘉賓邀來AK@MIRROR

Jay演唱會|馮允謙颱風下開演唱會 首場嘉賓邀來AK@MIRROR

2022-07-03

唱作歌手馮允謙(Jay)一連四場「Have a JAY Time 2022 演唱會」昨晚(2日)在九展開鑼。期待十年的演唱會卻遇上颱風襲港,幸好下午改掛三號風球,如常開騷。Jay孭住一支結他穿過觀眾席走上舞台,以《A New Day》和《今天開始》為演唱會揭開序幕。而舞台設計成英文字母J字,寓意他帶著音樂一步一步擁有自己舞台。他在台上感謝台前幕後,以及歌迷風雨不改支持他,令他非常感動。

馮允謙等足10年,首個演唱會終在颱風襲港下順利進行。
馮允謙等足10年,首個演唱會終在颱風襲港下順利進行。
全晚傾盡全力載歌載舞。
全晚傾盡全力載歌載舞。

 

昨晚Jay的父母及一眾親友、好友梁釗峰、林奕匡、蔡一傑、MIRROR的江?生(AK)、林德信,還有同門師弟妹ANSONBEAN和雲浩影(Cloud)等捧場支持。Jay感謝父母來港支持,但湊大他的嫲嫲缺席令他傷心落淚,說:「有一個人,今晚我好想佢嚟睇我嘅演唱會,但係嚟唔到,係我嫲嫲。 我哋關係好密切,細個爸爸喺香港工作,媽咪同嫲嫲喺加拿大湊我哋3兄弟,媽咪要返工,所以我大部份時間同嫲嫲一齊。我返嚟香港之後,打電話畀嫲嫲,佢成日都話我好叻仔,喺電視見到我唱歌,其實嗰段時間我無公司,無嘢做。我同佢講,將來開到演唱會,要請嫲嫲嚟睇,唱歌畀佢聽。好可惜兩年前因為疫情佢離開咗,為咗佢我寫咗首歌《給缺席的人唱首歌》。」

 

Jay為離世的嫲嫲作咗首歌《給缺席的人唱首歌》。
Jay為離世的嫲嫲作咗首歌《給缺席的人唱首歌》。
嫲嫲一手湊大Jay,感情深厚。
嫲嫲一手湊大Jay,感情深厚。
開胸露少少胸肌。
開胸露少少胸肌。
AK做首場嘉賓。
AK做首場嘉賓。
Jay與Asha合演吸血鬼三步曲。
Jay與Asha合演吸血鬼三步曲。

 

AK擔任首場嘉賓

為了今次演唱會,Jay秘密練舞,台上表演有板有眼。他與徐㴓喬(Asha)合演吸血鬼三步曲環節,又唱又跳又演,延續《一步一悔過》MV吸血鬼愛情故事,觀眾亦看得投入。之後Jay換上黑色西裝疑似真空上陣,跳舞時更胸肌乍現,觀眾興奮歡呼。當介紹表演嘉賓出場時,Jay說:「呢位嘉賓好大隻,跳舞好叻,請到佢嚟做嘉賓係Mir⋯⋯acle(奇蹟)」觀眾起哄。他們合唱《開始倒數》後,Jay笑問AK:「我幫佢哋(指觀眾)問,你會唔會除衫?」AK稱:「依家?」全場尖叫,他賣關子稱買演唱會票入場就知道有否除衫。Jay稱買不到票,AK立即說:「放心,你有票㗎啦,一定!」Jay讚AK說:「佢超級謙虛和友善,我哋第一次合作就係兩年前,結他彈得好但好少表演,點解呢個人又彈得又跳得個人又咁好嘅呢?」AK說:「似你囉,你剛才跳舞都好掂喎!」還透露將有新合作,說:「我好開心,大家都知Jay係我偶像,我好鍾意聽佢唱歌,嚟緊我哋會有新合作,係咩?到時大家就知。」豈料Jay竟說:「我知道未架?」AK拖住他的手說:「你知,我哋錄咗㗎啦!」Jay才恍然大悟,全場爆笑。之後AK獨唱《黑之呼吸》,觀眾站起來跟住跳。

 

Jay父母專誠嚟捧場。
Jay父母專誠嚟捧場。
Jay與父母。
Jay與父母。

 

此外,Cloud後日(5日)生日,完騷後師兄梁釗峰、ANSONBEAN、林德信以及唱片公司同事送她生日蛋糕,她驚喜說:「好開心,生日願望唔講得出嚟,但新歌喺生日期間派台,我希望大家會鍾意,因為呢首歌係好表達到我嘅想法。」

舞台設計成「J」字。
舞台設計成「J」字。
Cloud後日生日,完騷後師兄梁釗峰、ANSONBEAN、林德信及唱片公司同事送她生日蛋糕。
Cloud後日生日,完騷後師兄梁釗峰、ANSONBEAN、林德信及唱片公司同事送她生日蛋糕。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

Tags:
最新回應