正在播放
飄流教室|古巨基欣賞後輩主動邀合唱 Edan拍MV終體會「前夫」感受

飄流教室|古巨基欣賞後輩主動邀合唱 Edan拍MV終體會「前夫」感受

2022-06-23

多年沒出唱片的古巨基,昨日(22日)推出《I Really Love To Sing》合唱專輯第一炮,請來MIRROR的呂爵安(Edan)合唱《飄流教室》打頭陣,他坦言:「《飄》當年冇被安排成為主打,所以好想搵一個心儀嘅人一齊唱呢首歌。今次新編曲好classy,配古典鋼琴,上次睇MIRROR騷,對Edan鋼琴自彈自唱印象好深,覺得非佢莫屬。」Edan則受寵若驚,他謂:「真係好開心,當初好記得花姐(經理人黃慧君)同我講:『喂!古生話想搵你合唱喎,你肯唔肯呀?』嘩!梗係好啦!因為未試過同一個大前輩合作,同埋我細個都有聽古Sir啲歌,所以覺得呢件事係好神奇!」Edan又表示錄音期間獲益不少:「古Sir每次都會嚟監製我錄音,畀咗我好多指導,令我對唱歌多咗好多想法。古Sir真係好貼心,任何事都好樂意教我、幫我,好多謝佢!」

 

古巨基跟Edan及Natalie合作愉快。
古巨基跟Edan及Natalie合作愉快。

 

基仔亦對Edna讚不絕口:「我記得佢話知道自己唱歌未必係最好,所以只要有其他唔同嘅機會,佢一定會好願意同埋畀心機去試!佢係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」
 

Edan自彈自唱,令基仔留下深刻印象。
Edan自彈自唱,令基仔留下深刻印象。

 

MV中Edan和Natalie扮演小情侶。
MV中Edan和Natalie扮演小情侶。

 

兩人扮學生,毫無違和感。
兩人扮學生,毫無違和感。

 

此外,今次MV除了找來Edan兼任男主角外,女主角請來80年代女神柏安妮的17歲女兒、新進女演員許恩怡(Natalie)擔任,MV其中一幕講述Edan與心儀的Natalie去基仔的新碟簽名會,Edan笑說:「今次感受到『前夫』嘅感覺,即係陪個女仔去見佢嘅偶像。」而基仔則覺得這個MV很有穿越感,「MV呢幕講番2012年《告別我的戀人們》呢一隻碟出嘅時候,我特登整番當時個髮型,連件褸都係搵番當時宣傳嗰件褸,仲着得落,即係冇肥到!」

 

MV劇情講Edan陪Natalie去偶像基仔的簽名會。
MV劇情講Edan陪Natalie去偶像基仔的簽名會。

 

你睇Edan個樣幾入戲。
你睇Edan個樣幾入戲。

 

基仔仲專程穿返當年的外套及整回當年的髮型。
基仔仲專程穿返當年的外套及整回當年的髮型。

 

 

 

星島新聞集團慶回歸25周年專題網站,請即瀏覽

立即下載 | 全新《星島頭條》APP :  https://bit.ly/3yLrgYZ

Tags:
最新回應