正在播放
人工激增至七萬 劉宋威是非纏身:冇良心嘅事唔會做

人工激增至七萬 劉宋威是非纏身:冇良心嘅事唔會做

2022-06-23

豬肉切割員劉宋威(阿威)被指似MIRROR的AK(江?生)被追捧,更跳出街市狂拍廣告。《頭條日報》收到可靠消息,威威家陣收入倍增,除咗3萬蚊店長月薪外,每月額外有4萬蚊花紅,加埋廣告收入,月入近6位數。不過,人紅是非多,有傳後生時行「古惑」嘅威威壓力大到爆燈,要做運動減壓,問到會否擔心再被挖「舊史」?他說:「唔好諗,做好?家嘅嘢,唔開心只會影響表現。」採訪:方騫平 攝影:沈健程

當日威威衝出荃灣去美孚做運動,沿途有唔少「威威豬」(Fans)為他打氣,鼓勵佢加油。威威走入商場只係短短十分鐘,即被老中青甚至南亞裔學生妹求合照,更對威威說:「好靚仔,梗係認得佢啦。」其中一位師奶開心說:「我專登去荃灣(肉店)兜咗個圈,但見唔到佢呀!竟然喺呢度見到…」另一位Fans就好奇問:「係咪喺呢度開檔?」最後連大叔都加入「威威集郵行動」。得到「威威豬」打氣,威威心情好返好多,向來熱愛運動的他,玩攀石時,只需三扒兩撥就爬到上頂。

南亞裔學生都係「威威豬」,威粉真係周圍都係呀。
南亞裔學生都係「威威豬」,威粉真係周圍都係呀。
威威好親民,同「威威豬」玩自拍。
威威好親民,同「威威豬」玩自拍。
得到「威威豬」力撐,威威合十致謝。
得到「威威豬」力撐,威威合十致謝。

每月多咗幾千蚊

有傳威威家陣月入7萬,他發出鬼馬笑聲否認:「你(記者)收錯風喇!冇咁多,只係多咗『幾千蚊』,啲錢留返嚟畀小朋友返小學用,?家收入夠自己及家人用。」居於屯門屋邨的他表示未有錢買樓,然後又再笑住爆少少:「其實嗰幾萬蚊,係銀行數字嚟,每月得呢個數字喺銀行。」威威話自己好慳家,早上食個麵包,午餐帶飯,冇時間食就留做晚餐,有時食$20蒸飯,每日最多用60蚊,用多咗冷氣錢就要扣減其他開支,仲許下承諾同老婆會共患難及共富貴:「冇良心嘅事我唔會做,有家人嘅支持,我先有勇氣行到呢步。」

威威近月接咗保險、波鞋、醬料、保鮮紙及煮食等廣告,成為廣告商新貴。
威威近月接咗保險、波鞋、醬料、保鮮紙及煮食等廣告,成為廣告商新貴。
威威平日帶飯盒返工好慳家。
威威平日帶飯盒返工好慳家。
威威紅到去日本,獲當地媒體報道。
威威紅到去日本,獲當地媒體報道。
月初逾百個「威威豬」跟他賀壽,威威感動落淚。
月初逾百個「威威豬」跟他賀壽,威威感動落淚。

唔戴罩都見得人

對於被踼爆當年做過傳銷,威威抱正面態度回應,表示當時只係想搵多個錢養家。至於被指舊照唔討好,他回應說:「我唔會刻意諗人哋點睇我,我就係我,只係做返自己,我又冇呃過人,冇整過容,其實住所及荃灣區街坊,冇乜邊個冇見過我除口罩個樣,疫情緩和幾時都可以除,我個樣唔係唔見得人,唔係只賣對眼。」至於有網友指他係黑社會,他開直播喊住否認:「我係基層出身,但點解屋邨長大就係黑社會?有紋身唔係好人?就畀人歧視…」希望大家不要再標籤佢。

威威強調自己唔係得對眼,個樣都見得人。
威威強調自己唔係得對眼,個樣都見得人。
威威赤祼上身嘅紋身相流出,更有指他係黑社會人物。
威威赤祼上身嘅紋身相流出,更有指他係黑社會人物。
威威4年前做傳銷嘅舊相曝光,冇罩舊樣再被熱烈討論。
威威4年前做傳銷嘅舊相曝光,冇罩舊樣再被熱烈討論。
威威開直播否認傳聞,一度激動哽咽,但未見有眼淚流出。
威威開直播否認傳聞,一度激動哽咽,但未見有眼淚流出。

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

最新回應